Edo, behintzat, bere zakuan ekartzen duena bihurtzen du desiratu ikazkin tripa-handia, astelehenean bisitan etorriko dena. Menditik jaitsi eta sakandar guztiak bisitatuko ditu, txiki zein handi. Ez da bakarrik jaitsiko Mari Domingi ere berarekin batera etorriko baita ibar hondora. Eta etzi Sakana guztian lan handia izanen duenez, Etxeberri gaur bisitatuko dute. Aurreko egunetan bestelako mugimendurik ere bada, esaterako, Bakaikun bihar, 11:30ean, eguberri kantak entseatzeko hitzordua jarri dute, Olentzeroren eta Mari Domingiren segizioari behar bezalako harrera egiteko. Bestetik, hainbat herrietako laguntzaileek, Olatzagutiko Lamiatuturrek esaterako, txikienen gutunak jaso eta basora eraman dituzte. Haiek irakurrita guztien desioak betetzea zaila dela jakinda etorriko da bikotea sakandarren artean euren opariak banatzera. Segizioak sortuko dira herrietan haiei harrera egiteko eta txikiekin ere egonen dira. Despeditu eta gero, otamen edo auzaterik ez da faltako.
Jakina, bestelako protagonismoa izanen dute haurrek astelehen goizean. Pazkuan amores eskean ariko dira haurrak Uharte Arakilen eta Etxarri Aranatzen. Eta kantu-eskean ere ibarreko hainbat herritan, Altsasun edo Ziordian esaterako.
| Olentzeroren etorrera | ||
| Herria | Ordua | Tokia |
| Irurtzun | 18:30 | Plazaolako zubia |
| Etxeberri | 18:00 | (Larunbatean) Menditik plazara. Taloak, txokolate-jana, Txantreako abesbatza, herriko txistulariak herrian barna, lagun ezkutua… |
| Etxarren | 16:00 | Urritzolako bidetik. Gaitariekin ongi etorria, kalejira. Frontoian opariak eta kalejira. Txoripanasen koreografia, txokolate-jana eta otamena. |
| Satrustegi-Hiriberri | 17:30 | Satrustegiko elkartean txokolate-jana |
| 18:30 | Olentzero Satrustegin | |
| 19:30 | Olentzero Hiriberri Arakilen | |
| Ihabar | 18:30 | Autobia azpiko zubian |
| Irañeta | 18:00 | Autobus geltokia |
| Uharte Arakil | 18:00 | Martigarrotik |
| Arruazu | 19:30 | Arnazko bidetik etorri, kalejira elkartean bukatuko da. Opari banaketa, gaztainak, ardoa eta musika |
| Lakuntza | 18:00 | Plazan |
| Arbizu | 18:00 | Plazan bildu, baso aldera abiatu, harrera egin, kalejira Argi Bidea elkartean bukatuko dena |
| Unanu | 18:00 | San Donato bidetik jaitsi, kalejira egin, akaberan txokolate jana edo goxokiak banatuko dira, plazan edo elkartean |
| Dorrao | 19:00 | Hostogorritik jaitsiko da. Plazan haurren kantak, goxoki banaketa, elkartean merendua. |
| Lizarraga | 18:00 | Menditik, etxe bakoitzak bere kandela eramanen du |
| Etxarri Aranatz | 17:30 | Aldapasoro auzoan eginen zaie harrera eta kalejirak estalopean bukatuko du. |
| Bakaiku | 18:00 | Aiztin, ondoren herrian barnako kalejira. |
| Iturmendi | 19:00 | Menditik etorri, herrian barnako kalejira egin frontoian bukatzeko. Saski baten zozketa, txokolate-jana, ardo beroa |
| Urdiain | 18:00 | Portuko kaletatik etorri eta harrera egin. Plazati |
| Altsasu | 11:15 | Mari Domingi gaztetxetik Zumalakarregi plazarantz abiatuko da, behin iritsita hamabitakoa egonen da |
| 17:45 | San Juan ermitan. Zumalakarregin geldialdia, Foru plazan bukatzeko | |
| Olatzagutia | 18:30 | Belengo iturritik iritsiko da, kalejira frontoian bukatzeko |
| Ziordia | 18:00 | Menditik jaitsi eta kalejira eginen da gaztetxean bukatuko dena |