Mintzakide programan euskara ikasten ari diren 83 sakandarrek eman dute izena. Euskaraz hizketatzeko erraztasuna lortu, ikasitakoa praktikatu edota lotsa galtzeko eman dute izena Mintzakiden. Euskara ikasten ari diren edo hizketatzeko soltura galdu duten lagun talde txiki bat osatzen da eta haiekin bidelagun bat izaten da. Azken horren egitekoa taldeko elkarrizketak bideratzea da. Astean behin, ordu batez. Berdin da tabernan izan, pasiatzen, zinetik atera berritan, mendi buelta eginez… taldeak erabakitzen du eguna eta ordua. Eta gero praktikatzera. Doako programa da eta izen ematea ikasturte guztia zabalik dago.
Euskaraz hizketatu nahi duten horiei lagundu nahi dietenak bidelagun izan daitezke. Interesa dutenak AEKren Itsasi euskaltegitik (Gartzia Ximenez, 46, Altsasu) pasa daiteke edo 600 482 024 telefonora hots egin dezake.
| Mintzakide taldeak | |||
| Herria | Eguna | Ordua | Tokia |
| Irurtzun | Asteartea | 19:00 | Iratxo elkartea |
| Osteguna | 09:00 | Pikuxar | |
| Ostirala | 17:30 | Pikuxar | |
| Arakil | Astelehena* | 19:00 | Irañetako elkartean |
| Ihabar | Ostirala | 20:00 | Ihabar |
| Arbizu | Asteartea | 18:00 | Liburutegia |
| Iturmendi | Astelehena | 17:00 | Aritzaga |
| Urdiain | Osteguna** | 19:00 | Liburutegia |
| Altsasu | Astelehena | 11:30 | Kaixo taberna |
| Astelehena | 16:00 | Koxka taberna | |
| Asteazkena | 11:00 | Lemik taberna | |
| Osteguna | 09:00 | Kaixo taberna | |
| Osteguna | 20:00 | Lezea taberna*** | |
| Olatzagutia | Asteazkena | 17:00 | Agedi okindegian |
| Ziordia | Asteartea | 16:00 | Liburutegia |
| * Hilean behin, Astelehen Zoriontsuak. | |||
| ** Bi astean behin. | |||
| *** Euskalkia, bi astean behin. | |||