Eta horrela Sakanako bost musika eskolek 121.653,78 euro jaso dituzte, joan den urteko diru-laguntzari dagozkionak. Laguntzak bi ordainketetan egiten dira eta azkenaren berri, 40.551,12 euro, Nafarroako Aldizkari Ofizialak astelehenean eman zuen. Udal musika eskolek euren aurrekontua hiru diru-iturrietatik osatzen dute: udalen aurrekontua, ikasleen matrikulak eta Hezkuntza Departamentuaren diru-laguntza. Finantza krisiak Nafarroako Gobernuaren diru-poltsak hustu egin zituen eta musika-ikasketen kostuaren zama udalen eta ikasleen bizkar gelditu zen kasik. Hezkuntza Departamentuak pasa den urtean jakinarazi zuen lortu zuela 2010eko diru-murrizketak lehengoratzea. 2.195.460,84 euro banatu ditu 51 musika eskolen artean. Kopuru horren % 5,54 jaso dute Sakanako bost musika eskolek; ibarra Nafarroako populazioaren % 3,11 da.
Sakanako musika eskolendako diru-laguntzak 2018 | |||
Herria | Lastailean jasoa | Ilbeltzean jasoa | Guztira |
Irurtzun | 18.888,63 | 9.444,31 | 28.332,94 |
Lakuntza | 14.743,10 | 7.371,35 | 22.114,45 |
Etxarri Aranatz | 24.654,96 | 12.327,48 | 36.982,44 |
Altsasu | 19.309,42 | 9.654,71 | 28.964,13 |
Olatzagutia | 3.506,55 | 1.753,27 | 5.259,82 |
Guztira | 81.102,66 | 40.551,12 | 121.653,78 |