XVIII. mendearen hasiera da. Ingalaterra gerran dago, frantsesen aurka. Anne (Olivia Colman) ahulduta dagoen erregina tronuan dago, baina, gobernua Lady Sarah (Rachel Weisz) lagunaren esku dago, erreginaren osasun egoerak eta nortasun aldakorrak behartuta. Hala ere, neskame berri bat, Abigail (Emma Stone) agertuko da eta Sarah liluratuta utziko du bere xarmari esker. Sarahk laguntza emango dio Abigaili, eta horri esker neskameak bere erro aristokratikoak berreskuratzeko aukera ikusiko du. Politikako kontuak direla-eta Sarah oso lanpetuta dagoenez, Abigailek gero eta denbora gehiago pasatuko du erreginarekin. Abigailek harreman hori aprobetxatuko du bere handinahiak asetzeko.