Aurreko urteetan bezala, Cederna Garalur Elkarteak enpresa-kudeaketari buruzko bi ikastaro antolatu ditu. Aurrena, Nola antolatu zure agiriak zerga-betebeharrak betetzeko da eta martxoaren 12an, asteartean, 10:00etatik 14:00etara eginen da. Bigarrena, berriz, Nola egin ogasunarekin egin beharreko tramiteak on-line ziurtagiri digitalaren bidez eta ordainagiriak diseinatzen ikastea da eta martxoaren 20an, asteazkenean, 10:00etatik 12:30era eginen da. Ikastaroetara Excell programa duen eta Mac ez den ordenagailu eramangarria eramatea ezinbestekoa da.
Lantegi horien osagarri gisa, Cederna Garalurrek talde-tutoretza pertsonalizatuak programatuko ditu garagarrilean. Horietan, prestakuntza-ekintzetan parte hartu duten pertsonek beren negozioei buruzko kontu partikularrak planteatu ahal izanen dizkiote kudeaketa aditua den elkarteko teknikariari, hark afera horiek konpon ditzan. Jarduera horiek Nafar Lansare/Nafarroako Enplegu Zerbitzuaren baterako finantziazioa dute, Nafarroa Ekintzailea Sarearen bitartez. Cederna Garalur sare horretako partaidea da.
Informaziorako edota izena emateko:
619 328 264 telefonoa edo sakana.admon@cederna.es e-posta helbidea.
Dohainik dira eta martxoan eginen dira Arbizuko industrialdean dagoen Utzugane, Sakanako garapen zentroan.