Errigoraren Nafar hegoaldeko uzta eskutik eskura kanpainaren bosgarren edizioa da aurtengoa. Nafarroako Erriberako ekoizleen oliba-olio birjina, kontserbak (pikillo piperrak, zainzuriak, orburuak, barazki menestra, potxak, tomate frijitua eta kremak) eta arroz sorta konbentzionalak edo ekologikoak eskuratzeko aukera eskaintzen du ekimenak kanpaina horren bidez. Baita Errigoraren kamisetak ere. Kanpainarekin kontsumo arduratsua sustatu nahi du Errigorak, “Erriberako lehenengo sektorea eta tokiko elikagaien industria txikia bultzatzeko pausuak emanez. Eta, nola ez, euskal lurraldeen arteko harremanak elikatzen”.
Nafarroan bertan ekoiztutako produktu sorta zabala eskaintzen ditu Errigorak, baratze eta soroetatik kontserba lantegira bide motza egindakoa, eta beste bide motz bat zure eskutara iritsi arte, eskutik eskura. Horrek guztiak eragiten du berotegi efektua sortzen duen karbono isuriak murriztea, paisaia mantentzea, ekonomia bertokiratzea, auzolana elikatzea, ekoizleen, kontsumitzaileen arteko distantzia laburtzea eta biendako zuzenak diren prezioak adostea, burujabetza elikatzea, elikadura sistema gure esku izan daitezen pauso txikiak ematea eta komunitatea elikatuz. Errigoratik nabarmendu dutenez, hori ez litzateke lortuko “urruneko produktuak gure sukaldeetara ekarri eta bertako produktuak urruneko sukaldeetara eramanez”.
Eskaerak egiteko | |
Herria | Tokia |
Irurtzun | Iratxo elkartea |
Etxarri Aranatz | Kaxeta |
Portuko | |
Udaletxeko estalopea | |
Bakaiku | Bakarrekoetxea elkartea |
Iturmendi | Elkartea |
Urdiain | Mareo |
Altsasu | Itsasi euskaltegia |
Portuko | |
Biltoki | |
Olatzagutia | Barandi |
Ziordia | Etxaleku |
Sakana | www.errigora.eus |
Datuak
240.000 litro olio banatuta.
700.000 ontzi kontserba baino gehiago banatuta.
6.500 sukaldetara iritsi zen 2018an kanpaina.