Igandean 5. Jurramendi Trail lasterketa jokatu zen Aiegin. Urtetik urtera arrakasta gehiago du probak, eta parte-hartzea handia izan zen. Bi distantziatan jokatu zen Jurramendi Traila (24 km, 1.700 m desnibel +) eta Txiki Traila (11 km, 700 m desnibel +), eta bi probak kontuan hartuz ia 470 korrikalari lehiatu ziren Aiegin, garun-paralisia duen Lizarragako Aioraren aldeko ekitaldian. Horietatik gehienak Trail nagusian lehiatu ziren, eta 301 korrikalarik lortu zuten proba osatzea.
Jurramendiko Traila Euskal Lasterkarien Selekzioko Asier Larruzeak (2:07:02 eta Enara Oronozek (2:35:04) irabazi zuten. Larruzeak 28 segundo atera zizkion Xabi Zarranz nafarrari (2:07:30) eta 33 segundo Beñat Katarain bere taldekide lakuntzarrari (2:07:35). Sakandar askok parte hartu zuten proban, eta Katarainez Katarainen atzetik Joxeja Maiza etxarriarra izan zen finena, helmugan 49.a (15:33). Emakumezkoetan, Ioana Lopez izan zen lehen sakandarra, helmugan 179.a (3:08:57).
Sakandarrak Jurramendi Trailean
1.Asier Larruzea 2:07:02
3.Beñat Katarain 2:07:30
49.Joxeja Maiza 2:34:44
65.Iban Verdugo 2:41:00
85.Fran Araña 2:47:22
102.Ioseba Iza 2:52:45
115.Arkaitz Munarriz 2:55:05
149.Asier Leiza 3:02:48
179.Ioana Lopez 3:08:57
252.Maria Goikoetxea 3:27:44
*Oharra: Antolakuntzak ez du korrikalarien jaioterriko daturik jarri eta gerta daiteke korrikalariren bat edo beste ez agertzea.