Iruñeko Maria Ana Sanz Lanbide Heziketa institutuan goi mailako ikasketak egin dituzten ikasleek graduazioa izan zuten joan den ostiralean. Bigarren eta azken ikasturte akaberan egiten den diploma banaketa eta agur ospakizuna da graduazioa eta Iruñeko ikastetxe horretan 27. aldia da antolatu dutena. Horretaz, antolaketaz, publizitate eta marketing ikasketak egin dituzten ikasleak arduratu ziren, haien artean bi altsasuar izan ziren Simona Fratila eta June Otxoa de Eribe. Tokiak bilatu, babesleak opatu, hizlariak aukeratu eta abarrez arduratu ziren. Iruñeko hotel ezagun batek hartu zuen graduazio ospakizuna, zeinetan 200 pertsonak parte hartu zuten. Aipatutakoez aparte Gorka Avella irurtzundarra eta Jesus Palop, Ainhoa Lopez, Alexandra Fratila eta Andrea Popa altsasuarrak graduatu ziren.
Lanbide Heziketan graduatuta
Zazpi ikasle sakandarrek euren diplomak Iruñean egindako graduazioan jaso zituzten joan den ostiralean.
Erlazionatuak
"Lanbide Heziketa kalitatezko heziketa da"
2019 mar 22 Altsasu