Munduko txirrindulari onenak gertu ikusteko aukera izango dugu. Izan ere, Euskal Herriko Itzulia Sakanatik pasako da gaur, asteartean. Itzuliko 2. etapa Zumarragan hasiko da, 13:45ean eta Gorraizen despedituko da, 149,5 km geroago. 3. mailako Lizarrustiko portua gainditu eta gero iritsiko da tropela Sakanara, 14:45 inguruan, eta Arbizura 14:56 aldera. Handik Sakanako herrietan barna Irurtzuneraino helduko dira (15:25), aurrera segi eta Gorraizera heltzeko (17:15 inguruan). Etapan bi portu gainditu beharko dituzte korrikalariek, Olaberria gaina eta Lizarrusti, biak 3. mailakoak.
169 txirrindulari dabiltza Itzulian, 23 taldetan banatuta. Luxuzko parte-hartzea dago: Mikel Landa eta Nairo Quintana (Movistar Team), iazko Tourreko irabazle Geraint Thomas (Sky), Adam Yates (Mitchelton-Scott), Izagirre anaiak (Astana), Rohan Dennis (Bahrain Merida), Julian Alaphilippe (Deceuninck-Quick Step) eta puntako txirrindulariak egongo dira tartean, Murias-Euskadi eta Rural Kutxakoak. Atzo lehen etapa jokatu zen, Zumarragan jokatutako erlojupekoa, eta Bora taldeko Maximilian Schachman gailendu zen txirrindulari guztien artean (17:10).
Itzuliko 2. etapa, gaurkoa, astearteko, Zumarragan hasi eta Gorraizen bukatuko da (149,5 km). Lizarrustiko portutik Sakanara sartuko da, Etxarri Aranatzera, eta Irurtzuneraino iritsiko da, handik aurrera Gorraizen despeditzeko