Larunbatean Kadeteen Mailako Nafarroako 4x4 Sokatira Txapelketako (280 kg) bigarren jardunaldia jokatu zen Antsoainen. Guztira 7 talde ari dira parte hartzen txapelketan, tartean Etxarri Aranazko Andra Mari ikastolatik sortutako taldeak, eta Araxes, Berriozar eta Antsoain klubetatik sortutakoak.
Atzera ere, Andra Mari B taldea izan zen talderik onena (7 puntu), Antsoain A (6 puntu) eta Berriozar A (5 puntu) taldeen aurretik. Berriozar B laugarrena eta Antsoain B bosgarrena izan ziren, biak 3,5na punturekin, Andra Mari A seigarrena (1,5 puntu) eta Araxes azkena, (1,5 puntu). Bi jardunaldiko puntuak batuta, Andra Mari B doa lehena 14 punturekin, Antsoain A eta Berriozar A bigarrena eta hirugarrena dira, biak hamarna punturekin, eta Antsoain B da laugarrena, 9,5 punturekin. Berriozar B da urrena (6,5 puntu), Andra Mari A (3 puntu) eta Araxes (3 puntu) taldeen aurretik.
Larunbatean hirugarren eta azken jardunaldia eta finala jokatuko dira, 17:00etatik aurrera, Berriozarko Eguzki plazan. Hirugarren jardunaldia jokatu eta gero, puntu batuketa eginen da eta lehen bi sailkatuek jokatuko dute final handia.
Kadeteen Nafarroako 4x4 Sokatira Txapelketako 2. jardunaldia jokatu eta gero, Andra Mari B taldeak jarraitzen du buruan. Larunbatean azken jardunaldia eta finala jokatuko dira Berriozarren