Udal eta foru hauteskundeak 2019

Hauteskunde hitzordu hirukoitza

Duela hilabete emandako botoetako bat.

Europako Parlamentua, Nafarroakoa eta udalak berritzeko hauteskundeak eginen dira igandean. Herri txikietan ere kontzejuak berrituko dituzte.

Hilabeteko aldearekin, atzera ere, herritarrak boto ematera deituak daude. 15.500 bat sakandarrek izanen dute boto eskubidea erabiltzeko aukera igandean. Sakanan 19 hauteslekuk 09:00etan zabalduko dituzte ateak eta haietan botoa emateko aukera 20:00etaraino izanen da. Guztira 32 hauteskunde mahaietan eman dezakete botoa sakandarrek. Mahai horietan hiruna hautetsontzi izanen dira, bata Europako hauteskundeetan botoa emateko, bestea Nafarroako Parlamentua berritzeko eta, azkena, udalak berritzeko. Europarako hautagaiak aukeratzeko botoa urdin kolorekoa da. Nafarroako Parlamenturako botoak sepia kolorekoak dira eta udalak berritzekoak, berriz, txuriak.

Sakanako 15 udalerrietatik 13etan horrela izanen da. Salbuespena Irañeta eta Iturmendi dira. Han ez da udalerako hautagaitzarik aurkeztu eta, beraz, bi parlamentuak berritzeko hautetsontziak besterik ez dituzte izanen. Kontzejuak berritzeko beste hautetsontzi bat jarriko da eta han eman beharreko botoak berde kolorea du. Etxarri Aranatzen kasuan hala izanen da Lizarragabengoako herritarrek botoak eman behar dituztelako.

Irudi bitxiak sortuko dira Arakilgo eta Ergoienako hauteskunde mahaietan. Guztietan parlamentuetako eta udaleko hiru hautetsontziak izanen dira. Hiriberriko mahaiaren kasuan horiez aparte sei kontzejuetakoak ere izanen dira, guztira bederatzi hautetsontzi. Izurdiagan zortzi izanen dira eta Ergoienan sei.  

Sakanako hauteskunde mahaiak
Udalerria Mahai kopurua Mahaien kokapena
Arakil 2 Hiriberri Arakilgo kontzeju-etxeko bulegoa
    Izurdiagako gizarte-aretoa
Kontzejuak    
Ekai   Hiriberri Arakilgo kontzeju-etxeko bulegoa
Etxarren   Hiriberri Arakilgo kontzeju-etxeko bulegoa
Etxeberri   Izurdiagako gizarte-aretoa
Egiarreta   Izurdiagako gizarte-aretoa
Errotz   Izurdiagako gizarte-aretoa
Izurdiaga   Izurdiagako gizarte-aretoa
Satrustegi   Hiriberri Arakilgo kontzeju-etxeko bulegoa
Urritzola   Izurdiagako gizarte-aretoa
Hiriberri Arakil   Hiriberri Arakilgo kontzeju-etxeko bulegoa
Ihabar   Hiriberri Arakilgo kontzeju-etxeko bulegoa
Zuhatzu   Hiriberri Arakilgo kontzeju-etxeko bulegoa
     
Irurtzun 2 Eskola
     
Irañeta 1 Udaletxea
     
Uharte Arakil 1 Eskola
     
Arruazu 1 Kontsultategia
     
Lakuntza 2 Udaletxeko batzar gela
     
Arbizu 1 Udaletxeko batzar gela
     
Ergoiena 1 Udaletxea
Kontzejuak    
Unanu   Ergoienako udaletxea
Dorrao   Ergoienako udaletxea
Lizarraga   Ergoienako udaletxea
     
Etxarri Aranatz 5 Udaletxea
Kontzejua    
Lizarragabengoa   Etxarri Aranazko udaletxea
     
Bakaiku 1 Auzoa
     
Iturmendi 1 Auzoa
     
Urdiain 1 Udaletxea
     
Altsasu 10 Gure Etxea eraikina
    Intxostiapunta gazte gunea
    Iortia kultur gunea
    Sakana Lanbide Heziketa institutua
     
Olatzagutia 2 Eskola
     
Ziordia 1 Auzoa
Guztira: 32  
     
Iturria: Nafarroako Gobernu Ordezkaritza