Santa Marina ermita bakaikuarren eta iturmendiarren elkargunea izanen da, atzera ere, domekan. Trinitate ospakizunarekin hara igoko dira bi herrietatik. Urte bakoitia izanik Iturmendik antolatzen du ospakizuna. 10:00ak aldera piztuko dute mendira igotzeko etxajua. 12:30 aldera ermitan meza izanen da. Eta ondoren trikitilariek alaitutako auzatea izanen da. Burundarrak mahaira 14:30ak aldera eseriko dira. Herrira jaitsi aurretik eta tripa pixka bat jaisteko ermitako plazan dantzaldia izanen da eta 18:00ak aldera herrirako bidean jarriko dira guztiak. Iturmendiarrek 19:00ak aldera San Pedro ermitaren inguruan merendua hartuko dute eta handik herrira iristerako Sergei dj-aren doinuekin dantzaldia izanen da, 20:00etatik 23:00etara.