Iruñeko Alde Zaharreko Maravillas gaztetxearen agorrilaren 17ko husteagatik epaiketa Iruñeko 4. zenbakidun Instrukzio Epaitegian eginen da udazkenean. 22 pertsona daude auzipetuta eta haietako lau sakandarrak dira. Guztiei Iruñeko Nabarreria auzoan dagoen Rozalejo Markesaren Jauregiaren okupazioagatik eraikinaren usurpazio delitu arina leporatzen diete. Zigortuak balira 600 eta 1.800 euro arteko isunei aurre egin beharko liekete. Nafarroako Gobernuak erantzukizun zibila leporatzea eskatu du. 1.000 euroko isuna litzatekeena 3.000koa bihurtu daiteke. Guztiena batuta 74.000 eurokoa litzateke.
Sakanako auzipetuei babesa azaltzeko eta isun posibleei aurre egiteko hainbat ekimen antolatu dira. Baita zozketa ere. Txartelak saldu dituzte eta 15 sari banatu dituzte. Saritutako txartela duenak 665 055 018 telefonora hots egin dezake garilak 15era arte.
Zenbaki sarituak
77 Kosmetika naturala (desodorante, xaboia) eta Embajada taldearen kamixeta.
123 Kosmetika naturala (aurpegirako krema, xaboia)
180 Kosmetika naturala (B. Tigre, xaboia)
240 Tatto txartela.
311 Kosmetika naturala (kalendula+xaboia).
455 Sasi partxea+patxaran.
481 Nafarroa 1512 taldearen kamixeta eta CD.
515 Alerta Gorria taldearen kamixeta eta CD.
594 Arbizuko Gazte Asanbladaren kamixeta eta patxarana.
663 Sasi kamixeta eta patxarana.
702 Larruzko kartera eta Lakuntzako Biltokiko kamixeta.
712 Nafarroa 1512 taldearen diskoa eta Osparen kamixeta.
820 Osparen kamixeta eta larruzko kartera.
40 Lakuntzako Biltokiko kamixeta eta osparena.
911 Kosmetika naturala.