Iraupena: 60'

Anhinojo Folk taldea oso garrantzitsua da Extremadurako musika tradizionalean, eta gurera etorriko da La Encina kultur elkartearen eskutik. Luxu hutsa, zalantzarik gabe. Folk eboluzionatua da Anhinojo taldearen musika, antzinako eta oraingo istorioak kontatzen dizkiguna. Istorio horiek galtzear zeuden, eta taldeak berreskuratu ditu ikerketa- eta bilketa-lan gogorra eginda. Musika horiek entzunda, dantzan jarriko zara, konturatu gabe ia, jota eta danbolinaren erritmoan.