Udal eta foru hauteskundeak 2019

Kontzeju berrituak lanean daude

Hiriberrin botoa ematen. Makina bat kontzejuetako herritarrek eman zuten botoa han.

Azken hauteskundeekin batera, maiatzaren 26an, Sakanako kontzeju guztiak berritu ziren (Aizkorben ez dago kontzejurik).

Sakanako biztanleriaren % 7 inguru, 1.300 bat sakandar, ibarrean dauden 15 kontzejuetako batean bizi da. Ibarreko 15 kontzeju horietatik hamahirutan presidenteak gizonezkoak dira (% 86,33) eta bitan emakumezkoak (% 13,33a). Udalen atzeko proportzioa da, Sakanako 15 alkateetatik 3 baitira emakumezkoak. Kontzejuetan guztira 54 hautetsi aukeratu zituzten herritarrek. Haietatik 45 (% 83,33) gizonezkoak dira eta gainontzeko 9 (% 16,66a) emakumezkoak. Hauteskundeek 13 udal berritzea ekarri zuten, guztiak Irañeta eta Iturmendi salbu. Guztira 109 hautetsi izan ziren aukeratuta: 66 gizonezko (% 60,55) eta 43 emakumezko (% 39,45a). Beraz, kontzejuetan emakumezkoen presentzia udaletan baino askoz txikiagoa da.