Sakanako Mankomunitateak, Barranka Txirrindulari Taldearen laguntzarekin, BTT edo mendi bizikleta irteera antolatu zuen igandean. Burgosen barna 42 km-ko buelta zoragarria egin zuten. Sad Hill kanposantutik abiatu ziren. Hain zuzen ere, “El bueno, el feo y el malo” film ezaguneko sekuentzia ezagun batzuk bertan filmatu ziren eta txoko haiek ezagutzeko parada izan zuten. Ondoren, zenbait herri eta txoko ederretatik pasa ziren, Covarrubias herri ikusgarria tartean, eta Lerman bukatu zuten buelta. Han bazkaldu eta etxeko buelta eman zuten. Partaideek azaldu dutenez, ibilbidea eta ikusitako lekuak oso gustuko izan zituzten.
