Genero Indarkeriaren kontrako Estatu Itunetik Sakanako udalek 13.968,3 euro jaso dituzte, Nafarroan banatu denaren % 3,28 (biztanleriaren % 3,11 gara). Diru-laguntza horrekin udalek aipatu itunean jasotako neurriak garatzeko baliatu behar dute. Sakanako Mankomunitateko eta Altsasuko Udaleko Berdintasun Zerbitzuek elkarlanean segitzen dute eta jasotako diru horrekin egitasmo berriak gauzatzea dute buruan. Asmoa gauzatzeko 2020ko garagarrilera arte dute.
Joan den urtean iturri beretik ibarreko udalek diru kopuru bera jaso zuten eta horrekin bi Berdintasun Zerbitzuek Jarain proiektua finantzatu dute. Hau da, maiatzean egindako prestakuntza eta lan saioak, herrietako festak direla eta sexu indarkeriaren kontra egindako kanpaina eta jarain aplikazioa eta web gunea.
Sakanan jasotakoa | |
Udala | Kopurua |
Arakil | 859,46 |
Irurtzun | 1.081,94 |
Irañeta | 720,32 |
Uharte Arakil | 838,04 |
Arruazu | 707,18 |
Lakuntza | 916,16 |
Arbizu | 890,42 |
Ergoeina | 760,82 |
Etxarri Aranatz | 1.132,52 |
Bakaiku | 751,10 |
Iturmendi | 760,64 |
Urdiain | 809,78 |
Altsasu | 2.024,42 |
Olatzagutia | 962,24 |
Ziordia | 753,26 |
Guztira | 13.968,30 |