Errigora ekimenak bere baitan euskara, elikadura burujabetza, Nafarroa hegoaldea eta auzolana biltzen ditu. Nafarroa hegoaldea du ardatz eta euskara ofiziala ez den eremuan eragin nahi du, hangoak diren elikagaiei Euskal Herrian bidea emanaz, euskaratik, euskararako eta euskaraz. Nafar hegoaldeko uzta euskarari puzka kanpainarekin Errigorako kideek Erriberako produktuez osatutako kutxak saltzen dituzte. Kutxa bakarrarekin hasi baziren ere, azken urteetan bi izan dira. Baina aurten eskaintza berritu eta hiru saski izanen dira aukeran.
Ekimenaren sustatzaileek kutxak eskuratzeko hiru arrazoi eman dituzte. Aurrena, dakartzaten produktuez gozatzea. Bigarrena, bertako ekoizpena sustatzea. Eta, atzena, Nafarroako hegoaldeko euskalgintza laguntzea. Izan ere, Errigora kutxa bakoitzaren balioaren %25 Nafarroa hegoaldeko eta erdialdeko euskalgintzari emanen baitzaio, hau da, ikastolei, AEKri eta Sortzeni. 2013az geroztik egiten den kanpainak milioi bat euro bideratu ditu Nafarroa hegoaldean eta erdialdean euskarari hauspoa ematen dioten proiektuei.
Kanpaina aurrea eraman ahal izateko auzolan ikaragarria egiten da. Batzuk herriz herri kanpainaren berri ematen dute. Besteak, berriz, saskiak osatzen eta batetik bestera kutxak eramaten aritzen dira.
Hiru kutxa aukeran
Beltza, betikoa, 50 eurotan
Orburuak
Zainzuriak
Pikillo piperrak
Ardoa
Oliba-olio birjina estra
Potxak
Mahats-zukua
Zainzuri-krema
Teilak
Melokotia almibarrean
Kardua
Tomate frijitua
Piper txorizero haragia
Berdea, ekologikoa, 60 eurotan
Orburuak
Zainzuri zuriak
Pikillo piperrak
Ardoa
Olio-olio birjina estra
Potxak
Mahats-zukua
Arroza
Pasta
Barazki-menestra
Ozpina
Txuria, berezia, 70 eurotan
Orburuak
Zainzuri zuriak
Pikillo piperrak
Ardoa (Kriantza)
Patxarana
Xanpain extra brut
Polboroiak
Patxaran mantekatuak
Txokolatezko arrokak
Pikillo piper marmelada
Eskaerak
www.errigora.eus web orriaren bidez egin daitezke.
Irurtzun
Iratxo elkartean*
Etxarri-Aranatz
Andra Mari ikastola
Udaletxeko estalopea*
Altsasu
Iñigo Aritza ikastola
Itsasi euskaltegia AEK*
Txioka Haur Ikastola
*Web orritik eskatu daiteke.