Sakanako Mankomunitateak Sakanako kirol klubekin antolatutako 2019/2020ko Sakanako Futbol eta Areto Futbol Topaketak martxan daude. Bi mailatan jokatuko dira jardunaldiak, benjaminen mailan eta kimuen mailan, eta helburua neska-mutiko txikienei txapelketa batean aritu ahal izatea ahalbideratzea da. Mankomunitatetik adierazi dutenez, ez da lehiakortasuna sustatu nahi, helburua txikienak futbolaz gozatzea eta herri eta klub ezberdinekin harremana izatea da; horregatik ez da sailkapenik egiten.
Kimuen mailan 11 talde ari dira parte hartzen: Sutegi, Altsasu A, Altsasu B, Altsasu C, Etxarri-Hartzabal, Etxarri-Epele, Etxarri-Utzubar Txiki, Etxarri-Danbolintxulo, Lagun Artea 08, Lagun Artea 09 eta tarteka Betelu taldeak. Eta benjaminen mailan 8 talde dabiltza: Sutegi, Altsasu A, Altsasu, B, Altsasu C, Urdiain, Etxarri Aranatz, Aralar Mendi eta Betelu.
Igandean, kimuen mailako 4. jardunaldia jokatuko da Altsasuko Dantzalekun, goizeko 10:00etatik aurrera, eta benjaminen mailako 2. jardunaldia hartuko du Uharte Arakilek, goizeko 10:00etatik aurrera.
Sakanako Futbol Topaketak
Kimuen 4. jardunaldia igandean Dantzalekun
10:00 Lagun Artea 09 – Sutegi
10:00 Lagun Artea 08 – Altsasu A
11:00 Etxarri-Danbolintxulo – Altsasu B
11:00 Etxarri-Epele – Etxarri-Hartzabal
Atseden: Altsasu C
Benjaminen 2. jardunaldia igandean Uharte Arakilen
10:00 Etxarri Aranatz – Sutegi
11:00 Urdiain – Betelu
12:00 Altsasu C – Altsasu A
13:00 Aralar Mendi – Altsasu B