96 bertsolarik parte hartuko dute aurtengo Bardoak bertsolari txapelketan, 13 taldetan banatuta. Nafarroako Bertso Eskolen sarea indartzeko asmoz sortu zen Bardoak 2012an, eta bi urtean behin antolatzen du Nafarroako Bertsolari Elkarteak. Hortaz, txapelketaren bosgarren edizioa da, eta berrikuntzarekin dator; sei herri batu dira saioak jasoko dituzte zerrendara eta bertan izango dira txapelketako sei finalaurrekoak. Guztira 20 saio izango ditu txapelketak eta finala Lizarran egingo da.
Sakaña deitzen da Sakanako taldea eta Ekain Alegre, Eneko Lazkoz, Idoia Granizo, Joxemi Leitza, Saats Karasatorre eta Unai Artieda bertsolariek osatzen dute. D multzoan ariko dira. Ilbeltzaren 31n, ostiralean, 21:30ean, Iturmendiko gaztetxean, eginen dute lehenengo kanporaketa Arrotxapeako Drimtin taldearen kontra. Bigarren kanporaketa otsailaren 14an, ostirala, izanen dute, Otsagabian.
LEHENENGO SAIOAK
Ilbeltzak 31
Etxarriko (Larraun) Dantzalekua, 19:00etan
- Ipar haizea
- Larraun da Araitz. Bi dozena
Txantreako (Iruñea) Euskaldunon Biltokia, 19:30ean
- Hego haizea
- Lizarrako bardeak
Iturmendiko gaztetxea, 21:30ean
- Drimtin
- Sakaña
Otsailak 1
Erroko-Etxea elkartean, 18:00etan
- Arranopola
- Pirini Bardo
Otsailak 2
Berako Kataku ostatuan, 18:00etan
- Amortziaren eliobak
- Lamixene
