Asteburuan Nafar Kirol Jolasetako Nafarroako Pilota Txapelketako lehen faseko finalak jokatu ziren Irurtzunen eta Iruñean, Labriten.
Ostiralean 5 final jokatu ziren Irurtzunen. Tartean, benjaminen 2. mailako finalean, Irurtzun D taldeko Gurmindo eta Sarasibar Irurtzun C taldeko Rubioren eta Iraurgiren kontra aritu ziren eta Rubio eta Iraurgi izan ziren txapeldunak, 3 eta 18 irabazi eta gero.
Beste finaletan, kimuen 3. mailan Atarrabia C taldeko Otaegik eta Garaialdek 18 eta 4 irabazi zieten San Miguel I. Taldeko Jimenezi eta Pascuali; kimuen 2. mailako finalean Barañain taldeko Bengoetxea eta Antimasberesek 13 eta 18 galdu zuten Ultzamako Iribarrenen eta Iturralderen aurka; haurren 3. mailako finalean Txarutako Esandik eta Alonsok 18 eta 6 hartu zituzten mendean San Francisco Javierreko Perez eta Ena; eta 2. mailako haurren mailako finalean Huarte A taldeko Armendarizek eta Jimenezek 18 eta 15 irabazi zieten Aurrera A taldeko Sagastibeltzari eta Ugartemendiari.
Labriten beste 4 final jokatu ziren baina bertan ez ziren pilotari sakandarrak aritu.