Antzoki sarea ehuntzen hasi da beste urte batez

Eva Azpilikueta aktore altsasuarraren 'Etxerik txikiena' antzezlana zirkuituan dago. UTZITAKOA

Nafarroako 28 herrik parte hartzen dute Antzoki Sareak antolatzen duen zirkuituan, tartean Irurtzungo, Etxarri Aranazko, Altsasuko eta Olaztiko kutur etxeak. Hirugarren edizioa izanen da, eta Nafarroa osoan 52 ikuskizun programatu dituzte.

Martxoa eta maiatza eta iraila eta urria bitartean Nafarroako Antzoki Sareko hirugarren zirkuitua izanen da Nafarroako 28 herrietan. Guztira, 52 ikuskizunen emanaldiak izanen dira eta haietatik 42 Nafarroako konpainiak sortutakoak dira. 

Zirkuituaren helburua antzoki sarearen barruan dauden kultur etxeen eta aretoen ohiko programazioan laguntzea da. Gainera, proposamenek gai sozialak lantzen dituzte eta kontrastatuko kalitatea dute. Nafarroako ekoizpenak sustatzeko lana egiten du zirkuituak ere. Hortaz, bertako produkzio artistikoa bultzatzea da antzoki sarearen xedea ere bada. 

Besteak beste, zirkuituaren hirugarren edizio honetan Yarleku Teatro konpainiaren Etxerik txikiena nabarmentzen da. Xixongo arte eszenikoen FETEN 2019ko sarietan antzezlanaren protagonistetako bat den Eva Azpilikueta altsasuarrak aktore onenaren saria irabazi zuen. Xabier Artieda etxarriarraren Everybody needs... Heroes! antzezlan fisikoa ere zirkuituan izanen da. 

Programazioa
Nafarroako Gobernuak ere hainbat ikuskizun nabarmendu ditu: Lloviendo Ranas Acronica Produccione eta Ados Teatro konpainien koprodukzioa, Kimera La Banda konpainiarena, Catastrofe La Caja Flotante konpainiarena eta Max antzerki sarietarako sailkatua izan zen, Aita Laura Laiglesia konpainiarena, Producciones Maestras konpainiaren Estas en babia Iruñeko Udaleko Sormen artistikoaren saria irabazi zuena, eta Bojiganga Tdiferencia eta Teatro del Cuervo konpainia koprodukzio Asturiasko Oh! sarietan hainbat sari irabazi duen ikuskizuna dela. 

Programazioa prozesu artistikoak garatzeko erresidentzian sortutako ekoizpenak ere egonen dira: Concavo-Convexo Lesakako Led Silhouette eta El equilibrio entre sujetar y soltar antzezlana Becky Siegel eta Kon Mocion espectaculos konpainiekin.

Nafarroatik kanpoko zenbait konpainiek ere zirkuituan izanen dira, esaterako, Artedrama, Axut! eta Dejabu konpainien Zaldi Urdina, edo Saioak dantza garaikidea eta zuzeneko musika uztartzen dituen ikuskizuna, Bilaka konpainiarena. Granadako Vaiven Circoren Esencial ikuskizuna eta Gaztelako Trajin Teatroren Mauthausen ere Nafarroako antzokietan izanen dira.