Udalak administrari ofizial lanpostu betetzeko deialdia egin du

Uharte Arakilgo udaletxea, Euskararen Eguneko pankartarekin.

Aldi baterako lanpostua da eta interesa dutenek ostiraleko 14:00ak arte dute epea eskabideak, titulazioak eta dokumentazioak Uharte Arakilgo Udalari aurkezteko info@uhartearakil.com helbidean edo egoitza elektronikoaren bidez

Uharte Arakilgo Udalak, bere izenean eta Irañeta eta Arruazuko udalen ordezkari gisa, administrari ofizial bat kontratatzeko deialdia egin du. Kontratatutako pertsonak aldi baterako ezintasunagatiko ordezkapenak eginen du, lanaldi osoan eta C mailako lanpostuan. Ofizial administrari lana egin nahi duenak EGA hizkuntza-eskakizuna edo baliokidea izan beharko du. Uharte Arakil, Arruazu eta Irañetako udalek administrazio-zerbitzuen elkartea osatzen dute eta kontratatutako pertsona hori hiru toki erakundeendako lan eginen du Uharte Arakilgo udaletxean.