Unibertsitatean sartzeko Batxilergoko Ebaluazioa egin zuten Nafarroan joan den hilabeteko 23a eta 26a bitartean. Proba egiteko izena eman zuten 3.537 ikasleetatik 3.396 ikaslek gainditu zuten ebaluazioa (% 96,53). Altsasu Bigarren Hezkuntzako Institututik 44 ikasle joan ziren proba egitera, eta guztiek gainditu dute. Bat ez beste guztiak D ereduko ikasleak dira. Nafarroan D ereduko ikasleen % 97,65ek gainditu zuten, eta G eta A ereduetako ikasleen % 96,13k.