Siemens Gamesaren langileek hainbat mobilizazio iragarri dituzte

Siemens Gamesako langileak mobilizazioen berri eman dute gaur. Argazkia: @ELANafarroa

Nafarroako Parlamentuan izan dira gaur. Agoiztik Iruñera arteko martxa eginen dute ostegunean;, greba eguna dute ostiralean; eta larunbatean Agoitzen deitutako manifestazioarekin bat egin dute.

Siemens Gamesak Agoizko “lantegia ixteko hartutako erabakia iraultzeko enpresa-batzordeak eta langileek borrokan jarraituko dugu”. Hala adierazi dute langileen ordezkariek gaur. Aurreko egunetan egindako bilera errondan Nafarroako Gobernuari eta alderdi politikoei haien borrokan inplikatzea eskatu diete; “beraien jarreratik beren esku dagoen guztia egin dezaten nahi dugu, zentzugabekeria hori geldiarazteko”. 

Bestalde, “langileok erabaki bidegabe horren aurka mobilizatzen segituko dugu. Erabaki hori eskrupulurik gabeko multinazional baten logika neoliberalaren arabera baino ez da azaltzen, eta hazten jarraitu nahi du, gure hondamendiaren kontura bada ere”.


Siemens Gamesako 239 langileek (40 bat Altsasuko lantegian aritu zirenak) enpleguari eusteko aldarrikapenari ahotsa emateko eta gure borrokaren alde egiten jarraitzeko hainbat greba-egun eta mobilizazio” antolatu dituzte. Nafarroako Parlamentuko Ekonomia eta Enpresa Garapenerako Batzordeari bere ikuspuntua eman dio Agoizko lantegiko enpresa batzordeak gaur. “Ez dugu hitz ederrik nahi. Ekintzak eskatu dizkiegu etorkizun oparoa bermatzeko eta gure eskualdeko langabeziaren eta despopulazioaren aurka borrokatzeko”.

Mobilizazio egutegia 
Garilak 23, osteguna 
03:00etatik 10:00etara Agoizko lantegiaren Nafarroako Parlamentuaren arteko oinezko martxa. Iritsiera ordurako aurreikusia dago Manu Ayerdi Ekonomia eta Enpresa Garapeneko kontseilariaren agerraldia Nafarroako Parlamentuan. 
19: 00etan Irati Bizirik herri plataformaren informazio batzarra, Agoizko Merkatu plazan. Enpresa Batzordeak parte hartuko du. Ondoren, guztien artean, herria eta langileak, giza mosaiko bat osatuko dute.


Garilak 24, ostirala 
Zuzendaritzarekin  kontsulta-aldiko hirugarren bilera izanen da. Neinsako lankideek elkarretaratzea egingo dute lantegiaren aurrean, babesa adierazteko. 

Garilak 25, larunbata 
19:00etan  Siemens Gamesa Aoizen itxierarik ez. Herri biziak nahi ditugu! lelopean manifestazioa, Irati Bizirik plataformak deituta.  

Garilak 29, asteartea 
Langileen greba eguna. 

Agorrilak 6, osteguna 
Langileen greba eguna.

Agorrilak 7, ostirala 
Langileen greba eguna.

Oharra
Itxieraren kontrako sinadurak biltzen ari dira Iruñeko auzoetan eta eskualdeko herrietan. 

Erlazionatuak

Agoitz, Altsasu; itxieraren oihartzuna

Altsasu

Haize errotendako palak egiten dituen Agoizko lantegia itxi nahi du Siemens-Gamesak. 10 urtean Nafarroan ixten duen seigarrena litzateke. Altsasun ...