SARRERETATIK ATERATAKOA BERRIA FUNDAZIOARENDAKO IZANEN DA

Aingeru, 17 urteko mutil gaztea, desagertu egin da tekno jaialdi batean gazte bat bihotzekoak jota hil ondoren. Zaldi urdina izeneko droga berri batek eragin dio heriotza gazteari. Polizia Aingeruren bila dabil, trapitxeroa bera delakoan.

Amets, Aingeruren 22 urteko arreba da, bizimodu osasuntsu zalea. Ikerketa bat hasiko du, Karmen amona eta Simon udaltzain traketsarekin batera, Aingeru poliziek baino lehenago aurkitzeko. Izan ere, astebeteren buruan, 18 urte beteko ditu Aingeruk. Atzera kontaketa bat da.

Antzezlana Justo Arriolak idatziriko A los pies del caballo liburuaren irakurketatik abiatu da. Euskal Herrian drogaren eta, zehazkiago, heroinaren inguruko ikerketa egin zuen idazleak. Euskal Herriko historia markatu du zaldi zuriak, eta 1980ko hamarkadari lotzen bazaio ere, gaur egungo egoerari buruz gogoetatu nahi izan dute gidoigileek.

Sarreren prezioak

• BERRIAlagunek: aurretik: 10 € · Egunean bertan: 12 € (Sarrerak iortiakultura.com webgunea erabiliz erosten dituzten Berrialagunek, sarrerarekin batera berrialaguna txartela erakutsiko dute ikuskizunaren egunean)
• Sarrera orokorra: aurretik: 12 € · Egunean bertan: 14 €

Antzezlana Sakanako Berrialagunek antolatu dute Sakanako Mankomunitatearekin batera.