Lurralde Kohesiorako Departamentuak 13,5 milioi euro ordaindu dizkie udalei aste honetan. Kopuru horren % 5,72, 772.657,02 euro, Sakanako udalek jaso dute. Diru horrekin toki entitateek COVID-19ren eraginari aurre egiteko ekonomia suspertzeko neurriak hartzeko aukera izanen dute. Besteak beste finantzagarriak diren jarduerak dira energia-eraginkortasunarekin, hiri-mugikortasun jasangarriarekin, udal-eraikinen egokitzapenarekin, banda zabaleko konektibitatearekin eta uraren erabileraren eraginkortasunarekin lotuta egiten dituzten inbertsioak. Heldu den urteko irailaren 30era arte egin ditzakete inbertsioak. Baina inbertsioaren % 15 gutxienez udalaren kontu izan beharko du.
Jarduera horiek, udal-azpiegiturak eta -zerbitzuak hobetzea lortzeaz aparte, bat egiten dute Klimaren eta Energiaren aldeko Alkatetzen Itunarekin eta 2030erako Garapen Iraunkorreko Helburuekin; tokiko sektoreak, gainera, klima-aldaketaren aurkako borrokan eta gure herri eta hirietan isurketak murrizten laguntzen du.
| COVID-19ren eraginari aurre egiteko ekonomia suspertzeko neurriak hartzeko dirulaguntza | ||
| Herria | Populazioa | Kopurua |
| Altsasu | 7.443 | 155.000,00 |
| Arakil | 933 | 44.288,00 |
| Arbizu | 1.104 | 65.000,00 |
| Arruazu | 110 | 19.000,00 |
| Bakaiku | 362 | 19.000,00 |
| Ergoiena | 372 | 21.036,80 |
| Etxarri Aranatz | 2.483 | 95.804,02 |
| Irañeta | 172 | 19.000,00 |
| Irurtzun | 2.233 | 86.528,20 |
| Iturmendi | 403 | 19.000,00 |
| Lakuntza | 1.279 | 65.000,00 |
| Olatzagutia | 1.489 | 65.000,00 |
| Uharte Arakil | 805 | 40.000,00 |
| Urdiain | 653 | 40.000,00 |
| Ziordia | 348 | 19.000,00 |
| Sakana | 20.189 | 772.657,02 |