Dia supermerkatu kateak Nafarroan hainbat establezimendu ditu, haietako bat Altsasun, eta haietan 130 langilek lan egiten dute. Hauteskunde sindikalak egin berri dira eta CCOOk 4 ordezkari lortu ditu (53 boto), UGTk eta ELAk 2na (30 eta 23 boto) eta LABek 1 (14 boto). Lehen enpresa batzordea horrela zegoen osatuta: UGTk 4, CCOOk 3 eta ELAk 2. Lan hitzarmen berria dute negoziatzeko DIAn, baita osasun neurriak bermatzea COVID-19ari aurre egin eta langileen segurtasuna bermatzeko.
Bestetik, Olatzagutiko La Vasco Navarra enpresan ere enpresa batzordea berritu da. Espezialisten artean LABek 2 ordezkari lortu ditu (22 boto) eta CCOOk eta ELAk ordezkari bana (16 eta 12 boto). Eta, azkenik, teknikarien artean UGTk ordezkari bat lortu du (13 boto). Aurreko enpresa batzordeak UGTko 2 kidek eta ELAko batek osatu zuten.