Nafarroako Gobernuak lastailaren 21ean hartutako neurrien luzapena iragarri du. Foru administrazioak azaroaren 18ra bitarte (egun hori barne) luzatuko ditu COVID-19ari aurre egiteko aurretik hartutako neurriak. Beraz, alde batetik, nafarren mugimenduak lurraldearen perimetroan mugatuta daude. Arau horren salbuespenak dira: egoitzatik itzultzea, ezinbesteko kasuetan, mendekoak zaintzea, osasun-zentroetara joatea edo irakaskuntza arautua ematea. Bestetik, ostalaritzako establezimenduak itxita segituko dute. Eta, azkenik, bilera publiko eta pribatuetako pertsonak gehienez 6 izatea eta etxeratze agindua 23:00etatik 06:00etara indarrean segituko du.
Garraio-jardueren, ostalaritza- eta sukaldaritza-establezimenduen, ehorzketa eta beilatokien, kirol-lehiaketen, jolas-igerilekuen, negozio-kongresu eta -bileren eta gainerako jardueren murrizketari eragiten zioten gainerako neurriak Osasun kontseilariak emandako foru-agindu baten bidez berretsi dira. Agindu horretan bi aldaketa egin dira. Batetik, etxera eramateko jatekoak prestatzen dituzten ostalaritza establezimenduek lehen 21:00etan itxi behar zuten, baina luzapenean jaso denez, 22:30era arte egon daitezke jatekoak banatzen. Bestetik, saltoki handien kasuan (hipermerkatuak eta beste) establezimenduak behartuta daude gehieneko edukiera kontrolatzera, %40an mantentzen baita.