Nafarroako Osasun Plataformak deituta, Nafarroako hainbat osasun etxeren parean kontzentrazioak egin ziren atzo, azaroak 18, 'Osasun Etxeak zaindu!' lelopean, Nafarroako Gobernuari lehen arretako osasuna izatea eskatzeko. Tartean, Etxarri Aranazko eta Altsasuko Osasun Etxeen aurrean.
Deitzaileen iritziz, “gizarte mobilizazioak eta osasun arloko langileenak bakarrik defendatu eta hobetu ahal izanen dute osasun sistema publikoa, bidezkoa, unibertsala, prebentiboa eta lehen mailako arretan oinarritua, Nafarroako gizarteak halako osasun sistema behar baitu pandemia honi eta etorkizunekoei aurre egiteko”. Plataformak asteazkenetarako, 11:00etan, jarri du hitzordua. Gainera, azaroaren 28an, larunbata, manifestazioa deitu dute Iruñean.
Etxarri Aranazko Osasun Etxearen aurrean egin zen elkarretaratzea. LABNAFARROA