Nafarroako Gobernuak 948 Kultura Arte eta Kultura jaurdueren programa antolatu du gaur hasi eta abenduaren 13rako. Sakanan eginen duen lehenengo geldialdia larunbatean, abenduaren 5ean, 19:30ean, izanen da. Xabi Bandini eta Alberto Isaba musikariek Gertutik kontzertua eskainiko dute programa artistiko honen barruan. Abenduaren 8an, asteartean, Eva Azpilikueta aktore altsasuarraren Yarleku konpainiak Numenak antzezlana eginen du Olaztiko kultur etxean, 17:00etan. Pixka bat beranduago, 19:00etan, Demode Quarter taldearen Incorretas emanaldia izanen da Irurtzungo kultur etxean. Abenduaren 13an, igandean, 19:00etan, eta zikloarekin amaitzeko Etxarriko kultur etxean Hutsunek eta J.E.L. Jazz Trío taldeek kontzertua eskainiko dute.
948 Kultura egitarauaren barruan Xabier Artiedak Every body needs... heroes! antzezlana eginen du abenduaren 10ean, datorren ostiralean 19:00etan, Aintsoaingo kultur etxean. Bestetik, Ihabarren bizi den Jon Barbarinen Amico Teatro eta Acronica Producciones konpainien Transitos ikuskizuna izanen da Castejongo kultur etxean, abenduaren 12an, 19:00etan.
Sakanan eginen diren emanaldiak ez ezik, programaren barruan beste ekitaldi eta jarduerak antolatu dituzte, museora bisita gidatuak eta erakusketak.
948 Kultura Sakanako egitaraua
Abenduaren 5, 19:30ean
- Gertutik. Xabi Bandini eta Alberto Isaba
Altsasuko Iortia kultur gunean
Abenduaren 8, 17:00etan
- Numenak. Yarleku konpainia
Olaztiko kultur etxean
Abenduaren 8an, 19:00etan
- Incorrectas. Yoli Pascuarena, Demode Quarter
Irurtzungo kultur etxean
Abenduaren 13an, 19:00etan
- Hutsun Txalaparta eta J.E.L. Jazz Trío taldeen kontzertua
Etxarri Aranazko kultur etxean
Sakandarrak 948 programan
Abenduaren 10ean, 19:00etan
Antsoaingo kultur etxean
- Xabier Artieda. Every body needs... heroes!
Abenduaren 12an, 19:00etan, Castejongo kultur etxean
- Jon Barbarin (Amico Teatro). Transitos