Nafarroako Gobernuak jakinarazi duenez, 221 ikasle konfinatu dituzte asteburuan. Horiekin, gaur egun Haur eta Lehen Hezkuntzako 1.102 ikasle isolatuta daude etxean. Bi zikloetako ikasle guztien %1,78 dira. Gelaka, 33 ikastetxetako 56 talde daude, hau da, bizikidetza-talde egonkor guztien %1,6. Asteburuan konfinatutakoen artean daude Irurtzungo Atakondoa ikastetxeko Haur Hezkuntzako 3 urteko 18 ikasle. Bestalde, ostiralean Altsasuko Sagrado Corazon ikastetxeko Lehen Hezkuntzako hirugarren mailako 10 ikasle konfinatu zituzten.
Bi gelatako ikasleak dira.