Italiako erakusketatik gertu

Artebide elkarteko kideek aurreko asteartean zozketa egin zuten

Artebide elkarteak Carlos Rivera Lauriaren lan bat zozketatu du, erakusketa ibiltaria aurrera eraman ahal izteko

Urtero bezala, Sakanako artistak biltzen dituen Artebide elkarteak Arte Azoka antolatu zuen urrian. Bederatzigarren edizioa izan zen. Bertan, Carlos Rivera Lauria artistaren eskultura multzo bat ikusgai egon zen; haren artelanetan nagusi diren txoriak, hain zuzen. Artistak Italiako Tricase gazteluan Arte Azoka erakusketa bat moduko bat egitea proposatu zien, eta elkarteak lanaren zozketa egin du erakusketa ibiltaria egin ahal izateko. Aurreko asteartean zozketa egin zuten eta 189. zenbakidunak irabazi zuen Riveraren eskultura. Jose Antonio Agirrerendako izan zen.


Txoriak, zozketatutako eskultura multzoa. ARTXIBOA

2015. urtean Artebide elkarteko artisten lanak Tangerren egon ziren, eta "egoera hau pasatzen" denean Italiara joanen dira. "Datorren urteko udan joatea zen ideia, baina dugun egoerarekin atzeratu beharko dugu". Tricasen gaztelu bat dago, Iruñeko Ziudadelaren antzekoa, eta bertan erakusketa bat osatuko lukete. Horretarako, artistek haien lanak moldatu beharko lituzkete, "hegazkinean eraman beharko ditugulako".

 

Erlazionatuak

Pandemia garaiko Arte Azoka

Altsasu

Sakanako artisten erakuslehioa den erakusketa antolatzen du duela bederatzi urte Artebide elkarteak Altsasuko ferietarako. Aurten feriarik gabeko a...
Bederatzigarren Arte Azoka

Altsasu

Ostiralean Altsasuko Arte Azoka mustu zuten Iortia kultur guneko erakusketa gelan. Artebide elkarteak antolatzen du artista sakandarren erakusketa....