Burunda Txirrindularitza Klubeko Quesos Albeniz taldeko eta Aralar Txirrindulari Klubeko Sakana Group-Aralar taldeko txirrindulariak aspaldi dabiltza entrenatzen. Egunero ikusten ditugu euren maillot gorriekin eta berde-txuriekin handik ona, Sakanako errepideetatik barna. Orain, egindako prestaketa lana praktikara eramatea dagokie, igandean gazteen mailako 2021 denboraldia hasiko baita, Lizarra aldean, Villatuertan hain zuzen ere.
Igandean, goizeko 11:00etan emango zaio hasiera XLIII. San Veremundo Zirkuitua proba klasikoari. Txirrindulariek 70,5 kilometroko ibilbide gorabeheratsua dute aurretik, eta ea denboraldia nola hasten duten gure txirrindulariek.