Igandean junior mailako LVIII. Egia Zumy Saria jokatu zen, 76 kilometroko lasterketa. Lasterketa mugitua izan zen, erasoz betetakoa. Azkenean, Bellota-Goierri taldeko Nicolas Alustiza iritsi zen bakar bakarrik helmugara (2:03:55). Burundako Quesos Albeniz taldeko Hugo Aznar 8. postuan sartu zen (2:05:38).
Gainontzeko sakandarrei dagokienez, Jon Erdozia (Sakana Group-Aralar) 17. postuan sartu zen, bere taldekide Unai Garro 22. postuan eta Sergio Lopez (Quesos Albeniz) 27. tokian.