Kontzejuen biztanleriak gora egin zuen

Arakildarrak Izurdiagan ospatutako ibarreko Zuhaitz Egunean. Artxiboa.

Sakanako 16 kontzejuen biztanleria %1,86 igo zen. Herri horietan 1.365 sakandar bizi dira, ibarreko populazioaren %6,64.

Sakanako 16 kontzejuetako (Aizkorbe barne, egitura administratiborik ez badu ere) populazioak gora egin zuen eta joan den urteko ilbeltzaren 1ean haietan 25 pertsona gehiago bizi ziren, %0,1eko hazkundea izanik. Ibarreko 20.261 sakandarretatik kontzejuetan 1.365 bizi ziren. Aurreko lau urteetan biztanleria galdu zuten 16 herri horiek, 50 herritar edo biztanleriaren %0,22 galduz. Beraz, urte bakarrean aurreko lau urtetan galdutako populazioaren erdia berreskuratu dute kontzejuek. 

Ibarreko zazpi kontzejutan igo zen biztanleria, guztien artean 41 herritar gehiago izanik: Ihabar (16), Izurdiaga (6), Dorrao (5), Aizkorbe (4), Hiriberri (4), Egiarreta (3) eta Etxarren (3). Gainontzeko bederatzi herrietan populazioak behera egin du, eta denen artean 16 herritar galdu dituzte: Unanu (5), Urritzola (2), Lizarraga (2), Lizarragabengoa (2), Errotz (1), Etxeberri (1), Ekai (1), Zuhatzu (1) eta Satrustegi (1).

Kontzejuen 2020ko populazioa 1999koarekin konparatuz gero, Arakilen biztanleriaren %9,44ko hazkundea izan da. Hau da, 86 herritar irabazi ditu. 21 urte horietan Ergoienak, berriz, populazioaren %23,08 galdu du, 111 biztanle gutxiago ditu. Lizarragabengoari dagokionez, tarte horretan biztanle bat irabazi du %3,13 haziz. 

Sakanak 2020ko hasieran, aurreko urtearekin alderatuta, 76 biztanle gehiago zuen, %0,37ko igoera. Baina igoera handiagoa kontzejuetan izan zen %1,86. Hala, Sakanako 16 herri horietan populazioaren %6,64 bizi da eta gainontzeko 13etan, berriz, %93,26. 


Biztanleria
UDALERRIA / Kontzejua Biztanleria udalerrian Biztanleria kontzejuan
ARAKIL 962  
Egiarreta   77
Ekai   34
Errotz   67
Etxarren   157
Etxeberri   60
Hiriberri Arakil   114
Ihabar   136
Izurdiaga   178
Satrustegi   53
Urritzola   19
Zuhatzu   42
Aizkorbe   15
IRURTZUN 2.247  
IRAÑETA 169  
UHARTE ARAKIL 789  
ARRUAZU 106  
LAKUNTZA 1.275  
ARBIZU 1.109  
ERGOIENA 370  
Dorrao   114
Lizarraga   170
Unanu   86
ETXARRI ARANATZ 2.497  
Etxarri Aranatz 2.464  
Lizarragabengoa   33
BAKAIKU 360  
ITURMENDI 411  
URDIAIN 661  
ALTSASU 7.465  
OLATZAGUTIA 1.490  
ZIORDIA 350  
SAKANA 20.261 1.365