Koronabirusa Sakanan

Asteburuan 90 ikasle konfinatu dituzte

Gel hidroalkoholikoa ikasgela batean.

Hiru ikastetxetakoak dira etxean isolatu dituzten ikasleak.

Nafarroako Gobernuak gaztigatu duenez, 492 ikasle konfinatu dituzte asteburuan. Horiekin 1.677 dira gaur egun beren etxeetan isolatuta dauden ikasleak, hau da, ikasle guztien % 2,70. Gelaka, 89 ikasgela konfinatuta daude 44 ikastetxetan, hau da, ikasgela guztien % 2,55. Sakanako hiru ikastetxeetako 90 ikasle dira asteburuan isolatu dituztenak. Batetik, Lakuntzako Herri Eskolako Lehen Hezkuntzako bosgarren mailako 13 ikasle daude. Bestetik, Etxarri Aranazko San Donato eskolako 53 ikasle daude: Haur Hezkuntzako bi urteko 10, Haur Hezkuntzako hiru urteko 17, Lehen Hezkuntzako lehen mailako 14 eta Haur Hezkuntzako bost urteko 22. Azkenik, Etxarri-Aranazko Andra Mariko Lehen Hezkuntzako laugarren mailako 14 ikasle ere konfinatua daude. 

Bestalde, ostiralean, Altsasuko Zelandi eskola publikoko Lehen Hezkuntzako laugarren mailako 13 ikasle isolatu zituzten.