Bakartxo Ruiz parlamentariak ETB3 Nafarroa osoan hedatzeko gaia nola dagoen galdetu zuen, eta Javier Rermiez Nafarroako Gobernuko bozeramaileak onartu zuen lurralde osoan hedatzeko "muga teknikoak" daudela, Sakana eta Baztan-Bidasoa eremuetan, zehatzago. Egun kanal hori sintonizatu ezin den eremu bakarrak dira.
Nafarroak lau kanal dituen LTDko multiplex autonomiko bat du. Horietako bi kanal Navarra Televisión-endako dira eta beste biak ETB1 eta ETB 2 kanalendako. Bestetik, ETB3 Iruñeko, Tuterako, Lizarrako, Tafallako eta Zangozako LTD demarkazioetan sintoniza daiteke, baina lurralde osora zabaltzeko multiplex autonomikoan bosgarren kana bat sartu beharko dela azaldu zuen Remirezek: "eta hori teknikoki ezinezkoa da, Estatu Idazkaritzak adierazitakoaren arabera". Beste aukera bat Nafarroari bigarren multiplex autonomiko bat ematean da, "baina oraingoz ez dago mahai gainean Estatuan".