Sakanako Mankomunitatea kide den Nafarroako Hondakinen Partzuergoak Arbizuko eta Azkoiengo hondakindegietatik tratamendu plantetara eramateko garraio lanak emateko deialdia egin du. Lanak hartzen dituenak, batetik, Arbizuko eta Azkoiengo deskarga-kaietan utzitako hondakinak garraiatzea eta tratamendu-zentroetara eraman beharko lituzke. Bigarrenik, pisu mugikorren eta instalazioen funtzionamendu ona eta alderdi orokorra ziurtatzea, horretarako beharrezkoak diren lanak eginez (garbiketak, mantentze-lanak eta konponketak, eta abar). Eta, azkenik, araudi guztiak betetzen direla ziurtatzea.
Nafarroako Hondakinen Partzuergoak lanak kostu-eraginkortasun erlazioan preziorik onena eskaintzen duenari emanen dio lana. Arbizutik eta Azkoiendik hondakinak tratamendu plantetara garraiatzeko kontratua eskuratzen duenari partzuergoak 1.592.173,44 euro (BEZ kanpo) pagatuko dizkio. Eskaintzak garilaren 12ko 00:00etara arte egin daitezke Nafarroako lizitazio elektronikoaren plataformaren bidez.