Urdiaingo igerilekuetan eta inguruko paraje ederretan jokatuko da Sakanako XIX. Haur Triatloia, Sakanako Mankomunitateko Kirol Zerbitzuak Aitziber elkartearen eta Urdiaingo Udalaren laguntzarekin antolatutako kategoria txikiko neska-mutilendako triatloi proba. Proba Nafar Kirol Jolasetarako puntuagarria izango da eta osasun baldintza guztiak beteaz jokatuko da. Kategoria txikietatik hasita jubenilen mailara bitarteko probak dira jokatuko direnak, goizeko 10:00etatik aurrera.
Izena ematea zabalik dago, uztailaren 19ra arte, www.rockthesport.com webgunean.