Uztailaren 4an Nafarroako taldekako Erlojupeko Txapelketa jokatu zen Tafallan, Alonso Elektrizitatea Saria, juniorren eta kadeteen mailan, eta talde sakandarrak ikusgarri aritu ziren.
Juniorren mailan Quesos Albeniz-Burunda izan zen txapeldun handia. Erlojupekoko 22,4 kilometroak egiteko 29:22 minutu behar izan zituen talde gorriak. Talde burundarrak ia minutu bateko aldea atera zion bigarren sailkatu zen Sakana Group-Aralar taldeari (30:30).
Kadeteetan, aldiz, Ermitagaña taldea izan zen 15 kilometroak osatzen azkarrena (21:14). Quesos Albeniz-Aralar podiumera igotzear egon zen, laugarren sailkatu baitzen (21:43), eta Sakana Group-Aralar seigarren sailkatu zen (22:25).