Eskola Adineko Autonomien Arteko Espainiako Triatloi Txapelketak jokatu ziren asteburuan Almazanen, eta Nafarroako Triatloi selekzioan zenbait ordezkari sakandar zeuden. Kadeteen mailan Hector Tolsa (Valencia) izan zen Espainiako txapelduna (21:12), eta Alain Razkin Andueza lakuntzarra 43. sailkatu zen (24:50). Kadeteen taldekako sailkapenean, Valencia gailendu zen (535 puntu) eta Nafarroa 7. izan zen (342 puntu).
Bestalde, haurren mailako talde mistoen txapelketan Nafarroako selekzioa 9. postuan sailkatu zen (1:54:41), eta taldekideen artean Mikel Arrizabalaga Garziandia zegoen. Katalunia gailendu zen (1:43:37).