Dagoeneko COVID-19 gaitzak %14,39 kutsatu du

Nafarroan 661.197 pertsona bizi dira. Pandemia hasi zenetik agorrilaren akaberara 78.837 nafarrek COVID-19 gaitzarekin gaixotu dira, hau da, nafarren %11,92k koronabirusaren eraginak pairatu ditu. Denbora tarte berean 2.916 sakandar kutsatu dira, ibarreko populazioaren %14,39, Nafarroako datuarekin konparatuta, 2,47 puntu gehiago. Koronabirusak gaixotutako pertsonen portzentajeari erreparatuz gero, Nafarroako kutsatzeen portzentajetik gora daude Sakanako hamar udalerri, gainontzeko bostek maila txikiagoa dute. 

Agorrilaren akabera arte gaitzak gehien jo duen udalerria Urdiain da, %23,55. Atzetik ditu Etxarri Aranatz %19,38rekin, Arbizu %17,31rekin, Iturmendi %16,55ekin eta Lakuntza %16,24rekin. Maila bat beherago, baina Nafarroako bataz bestekoaren gainetik beste bost udalerri ditugu: Irañeta %14,79, Irurtzun %14,33, Uharte Arakil %14,2, Ergoiena %12,97 eta Altsasu %12,55. 

Nafarroako kutsatuen %11,92 kopurua gutxigatik ez du gainditzen Olatzagutiak, %11,81 baitu. Muga horretatik urrutixeago daude Bakaiku %11,11rekin, Ziordia %10,86rekin eta Arakil %10,71rekin. COVID-19agatik kutsatu gutxien izan duen udalerria Arruazu izan da: %8,49. 

Txertaketa
Osasunbideak jakinarazi duenez, Nafarroan 466.372 pertsonak txertaketa-pauta osoa jaso dute, hau da, txertoa har dezaketen 12 urtetik gorako biztanleen %80,2 eta Foru Komunitateko biztanle guztien %70,5. Era berean, dosi bat du, gutxienez, txertoa har dezaketen biztanleen %87,1ek eta guztien %76,5ek. Osasun Departamentuak 24.000 dosi emango ditu aste honetan. Atzo Irurtzungo kiroldegian Leitza eta Sakanako osasun eskualdeetako 600 gazte inguruk jaso zuten bigarren txertoa.