Udazkeneko kanpaina, Nafar hegoaldeko uzta, euskarari puzka, despeditzear du Errigorak. Behintzak eskaerak egiteari dagokiona. Izan ere, ostegunean despedituko da Errigorako saskiak eskatzeko epea. Hiru saskiren eskaintza egin du, eta guztiak Nafarroa erdialde eta hegoaldeko ekoizleen produktuez osatuta daude. Ekimenaren helburua bikoitza da, batetik, aldi berea hegoaldeko ekoizleei eta elikadura burujabetasunari bultzada ematea. Eta, bestetik, egoera zaiulean dagoen Nafarroa erdialde eta hegoaldeko euskalgintzari (AEK, ikastolak, Sortzen eta Agerraldia) bultzada ematea.
Errigorak 2013an ekin zion kanpainari eta ordutik 1.400.000 euro baino gehiago bideratu ditu Nafarroa hegoaldean eta erdialdean euskaldunak sortzeko herritik jaiotako egitasmoak sustengatzera. Eta, aldi berean, diru-ekarpen hori sortzeko bidea elikadura burujabetzara pausuak emateko baliatu ditu. Sustatzaileek adierazi dutenez, "bide horretan, herrilana izan dugu lanabes. Txikitik handira apustu eginez eta inori konturik eskatu gabe, nork bere ahal eta gogoaren arabera egindako ekarpen askotarikoak batzeko gai izan gara eta, herritarrak kontsumitzaile edo erabiltzaile huts bihurtu diren garaiotan, auzolanaren balioa eta baliagarritasuna frogatu dugu".
Beraien ahaleginaren beste fruitu bat Agerraldia da, Nafarroa erdialdea eta hegoaldea "berreuskaldundu nahi duten herritar guztiak saretu eta mugimendu ekintzailearen sorrera". Errigoratik azaldu durenez, "bokazio praktikoa du Agerraldiak: egiteko eta eginarazteko sortu da; instituzioen utzikeriaren edo, are, eragozpenen aurrean, herri ekimena nagusitu dadin, euskararendako aro berri bat zabaltzeko".
Agerraldiaren egitekoen artean daude: euskararen ezagutza bultzatu, erabilera sustatu eta euskararekiko jarrera baikorrak birsortzeko ekintza praktikoak bultzatzea du. Ekintza praktikoekin urteko agenda osatzen du Agerraldiak. Pandemia tarteko izanda ere, "ekintza asko aurrera ateratzea lortu dugu, eskualdeko euskaltzaleen artean ilusio handia piztuz".
Ekarpen handiagoa
Aurtengoan saski bakoitzeko diru gehiago bideratuko du Errigorak Nafarroa hegoalde eta erdialdeko euskalgintzara. Izan ere, beti bezala, saskien balioaren %25 joango da diru-ekarpen hori osatzera eta, saskien balioa 5 euro igota, ekarpena ere handiagoa izanen da. Kanpaina Ikastolen Elkartearekin, AEKrekin eta Sortzenekin elkarlanean egiten du Errigorak eta kanpainak uzten duen diru ekarpenaren zati handiena Nafarroa hegoaldeko ikastolei, AEK-ren euskaltegiei eta eskualdean sare publikoan D eredua indartzeko Sortzenen dinamikei bideratuko zaie.
Saskiak
- Beltza
Orburuak
Zainzuri txuriak
Pikillo piperrak
Oliba olio birjina estra
Ardo botila
Melokotoia almibarrean
Melokotoi marmelada
Tomate frijitua
Potxak
Teilak
Mahats zukua
Piper mamia
Kardua
2022ko egutegia - Berdea, ekologikoa
Orburuak
Zainzuri txuriak
Pikillo piperrak
Olio olio birjina estra
Ardo botila
Ardo ozpina
Dilista lehorrak
Arroza
Pasta
Barazki menestra
Sagar zukua
Leilak
2022ko egutegia - Txuria, berezia
Orburuak
Zainzuri txuriak
Pikillo piperrak
Olio olio birjina estra
Ardo botila (ondua)
Ardo txuri apartsua
Patxarana
Pikillo piper marmelada
Txokolatezko zigarretak
Patxaran pastak
Polboroiak
2022ko egutegia
| Banaketa tokiak | |
| Herria | Tokia |
| Irurtzun | Iratxo elkartea |
| Irañeta | Sasartea kalea, 16 |
| Uharte Arakil | Udaletxea |
| Arbizu | Eskola |
| Etxarri Aranatz | Andra Mari ikastola |
| Estalopean | |
| Altsasu | Iñigo Aritza ikastola |
| Itsasi euskaltegia |