Koronabirusa Sakanan

COVID-19aren kontrako ezohiko neurriak 15ean indargabetuko dituzte

Irurtzundarrak terrazan eta kalean. ARTXIBOA

Ostalaritzako eta gaueko aisialdiko lokaletako ohiko baldintzak eta ordutegiak berreskuratuko dira, eta ez da beharrezkoa izango COVID pasaportea; musukoaren erabilera ez da derrigorrezkoa izanen ikastetxeetako jolastokietan.

Epidemiologia egoera ikusirik, Nafarroako Gobernuak erabaki du otsailaren 15eko 00:00etatik aurrera COVID-19ari eusteko ezarritako ezohiko neurriak indarrik gabe uztea. 

Hilaren 15ean indarrean sartuko diren neurriak

  • Ostalaritzako, jatetxeetako eta gaueko aisialdiko lokaletako eta jardueretako ohiko baldintzak eta ordutegiak berreskuratuko dituzte.
  • COVID pasaportea aurkezteko beharra ezabatuko da, nazioarteko mugikortasunerako aurreikusitakoa izan ezik.
  • Maskara erabiltzea ez da derrigorrezkoa izango ikastetxeetako patioetan. Beti ere, segurtasun distantzia errespetatu ahal bada eta pilaketarik ez badago. Halaber, kendu egin da patioetako burbuila taldeen adinaren edo mailaren araberako bereizketa.
  • Musukoa derrigorrezkoa izango da mota guztietako esparruetan eta ekitaldi jendetsuetan.


Indarrean dauden beste neurri batzuk:

  • Bihartik aurrera kanpoan maskarak erabiltzeko derrigortasuna ezabatuko da.
  • Musukoa derrigorrezkoa da erabilera publikoko edo publikoari irekitako espazio itxietan.
  • Maskara jantzi behar da garraiobide publikoetan.
  • Musukoa janztea beharrezkoa da aire zabaleko guneetan egiten diren ekitaldi jendetsuetan. Eserita badaude, derrigorrezkoa izango da pertsonen artean gutxienez 1,5 metroko segurtasun-tartea mantendu ezin denean, bizikide taldeak izan ezik.
  • Toki publikoetan alkohol-kontsumoarekin elkarbizitza- eta aisia-ospakizunak egiteko debekuari eusten zaio, kale edana eta antzekoak.
  • Terrazetan erretzeko debekuari ere.
  • Esparru irekietako kirol-lehiaketetarako edukiera-muga %85ekoa (otsailaren 28ra arte).
  • Esparru itxietako kirol-lehiaketetarako edukiera-muga %75ekoa (otsailaren 28ra arte).
  • Kirol lehiaketetako ekitaldietan maskara nahitaez erabili behar da.
  • Kirol lehiaketetako ekitaldietan ez da onartuko elikagaiak eta edariak saltzea edo kontsumitzea.

Egoera
Gaur egun, azken bost asteetan kutsatzeen kopuruak etengabe behera egin duen arren, Nafarroa arrisku epidemiologiko altuko egoeran dago, eta osasun-sistemak eragin handia izaten jarraitzen du COVID delakoaren ondorioz, bai lehen mailako arretan (osasun-zentroetan, detekzioan eta txertaketan), bai ospitale sarean eta zainketa intentsiboetako unitateetan. Gaur egun, Nafarroan 185 pertsona daude ospitaleratuta, eta horietatik 23 zainketa intentsiboetako unitatean daude.

Ildo horretatik, Foru Komunitateak bere lanaren ardatzei eutsiko die zaintza epidemiologikoaren arloan, kasuen eta kontaktuen identifikazio eta jarraipen, detekzio eta txertaketa estrategia zabalari dagokienez, 1,3 milioi dosi baino gehiago eman baitira.

Era berean, txertorik hartu ez dutenen kasuan (positiboa edo kontaktu estua izanez gero), nahitaezko isolamenduak eta berrogeialdiak indarrean dauden protokoloen arabera mantentzen dira oraingoz. Jarduketa horiek, pertsona bakoitzaren osasun-egoera partikularra babesteaz gain, bereziki kasu larri eta kalteberetan, erkidegoko transmisioa moztea dute helburu, oro har.

Detekzio- eta zaintza-sisteman bertan, lehentasuna ematen zaie kasurik larrienei, taldeei (adinekoei eta immunodeprimituei) eta gune ahulenei (hala nola osasun- eta gizarte- eta osasun-eremuei); era berean, COVID-19aren aurkako txertaketa-prozesua hasi zenetik, dosiak, errefortzuak eta dosi gehigarriak lehenetsi dira adin-tarteetan eta bereziki kalteberak diren taldeetan.