Martxoaren 13an II. Betagarri Trail mendi lasterketa jokatu zen Antzinen, bi distantziatan: 24 km eta 8 km. 24 kilometroko proban bi sakandar igo ziren podiumera, Jabi Gasanz altsasuarra eta Eneritz Karasatorre etxarriarra. Lasterketa Aimar Azpirozek irabazi zuen (1:58:00), Ioar Tabar bigarrenarekin lehia estua izan eta gero (1:59:13). Jabi Gasanz hirugarren izan zen (2:08:09). Emakumezkoetan Aitziber Mendibil gailendu zen (2:32:37), sailkapen absolutuan 18. eta Eneritz Karasatorre bigarren sartu zen (2:35:10), sailkapen absolutuan 20. Goio Rodriguez 44. sailkatu zen (3:00:02) eta Marta Irañeta 53. (3:08:26), emakumezkoetan bosgarren.
Lasterketa laburra (8 km) Markel Garaioak (37:21) eta Karmele Garaioak (47:43) irabazi zuten. Aimar Araña Top Tenean sailkatu zen, bederatzigarren sartu eta gero (40:32). Alain Flores 18. izan zen (45:51)eta Ismael Lopez de Goikoetxea 25. (48:09).
Eukeni Goikoetxea 34. Espainiako Kilometro Bertikalen Txapelketan
Asteburuan Espainiako Kilometro Bertikalaren Txapelketa jokatu zen Ladrillarren (Caceres), Las Hurdeseko Kilometro Bertikala (3,5 km, 1.015 m desnibel +), Cerro Rongiero (1.627 m.) igoera hartzen duena. Euripean jokatu zen proban Kataluniako selekzioko Pere Rullan (39:29) eta Onditz Iturbe (47:35) izan ziren txapeldunak. Eukeni Goikoetxea 34. sailkatu zen (44:43).