Garraiolariek bertan behera utzi dute lanuztea

Hiruko eta Tradisnako garraiolariek batzarra egin dute gaur eta duela hiru astetik egiten ari ziren lanuztea bertan behera uztea erabaki dute. Azken egunetan erakundeek hartutako neurriek eta aldundiekin "elkarrizketarako bide bat" zabaldu izanak erraztu du erabakia. Hala ere, kide batzuk ez dira bihar errepidera aterako "ez duelako merezi" erregaia ordaindu behar duten prezioarekin. Duela hiru aste, Errepideko Garraioaren Defentsarako Estatuko Plataformak deitutako grebarekin bat egitea erabaki zuten Hiruk eta Trasdinak. Espainiako Gobernuak eta logistikako eta garraioko konpainia handiek aurreko astean lortutako akordioen ondoren, lanuzteekin jarraitzen zuten.