Altsasuko eta Sakanako Berdintasun Zerbitzuek elkarrekin a emakumezkoei zuzendutako autodefentsa hiru ikastaro antolatu ditu eta parte hartzaileak zenbait galderen inguruan ariko dira hausnartzen: zer dira eraso sexistak? Nola pairatzen ditugu? Zeintzuk dira gure bizipenak honen aurrean? Nola identifikatu erasoak? Izena emateko berdintasuna@sakana-mank.eus edo berdintasuna@altsasu.net e-postetan edo 660 384 328 edo 628 328 593 telefonoetara hots eginez.
Uharte Arakilgoa da aurreneko ikastaroa. Udaletxeko ganbaran maiatzaren 20an hasiko da, 17:00etatik 21:00etara. Eta hurrengo egunean, maiatzaren 21ean, 10:00etatik 14:00etara. Interesa dutenek maiatzak 17ra arteko epea dute izena emateko. Bigarren ikastaroa Etxarri Aranatzen, kultur etxean, eginen da maiatzaren 27an eta 28an, ostiralean 17:00etatik 21:00etara eta larunbatean 10:00etatik 14:00etara. Maiatzaren 24an despeditzen da Etxarri Aranazko ikastaroan izena emateko epea. Azkenik, Altsasuko Gure Etxea eraikinak autodefentsa ikastaroa hartuko du garagarrilaren 18an, 10:00etatik 18:00etara. Izen ematea garagarrilak 15era arte egonen da zabalik.