Nafarroako Odol emaileen Elkarteak, Adonak, emaileak omentzeko ekitaldia egin zuen Iruñean garagartzaroaren 26an. Elkarteko presidente Anton Zubasti Madozek nabarmendu zuenez, "odol ematea ezin da gutxi batzuen bizkar utzi, jendartearen inplikazio kolektiboa behar da". Jakinarazi zuenez, joan den urtean 13.640 nafarrek 24.830 emate egin zituzten, 2020an baino %8 gehiago. Emaileko bataz besteko ematea 1,78koa da, 2 gizonezkoen kasuan eta 1,4 emakumezkoenean. Odol emate kopuru borobiletara iritsi ziren 208 pertsonak aitortza jaso zuten, eta horietatik 11 sakandarrak ziren.
Omenduak
- 150 odol emate
Pello Egurza Azpiroz, Lakuntza. - 100 emate
Pedro Mari Sagardia Etxarte, Irurtzun. - 50 emate
Paki Bello Gasco, Irurtzun.
Julian Moral Espoz, Irurtzun.
Jesus Antonio Zubieta Zarranz, Uharte Arakil.
Beatriz Razkin Razkin, Lakuntza.
Jose Eugenio Alegre Manso, Altsasu.
Francisco Javier Casteig Barandiaran, Altsasu.
Juan Manuel Etxeberria Aiestaran, Altsasu.
Eulogio Gonzalez Navascues, Altsasu.
Francisco Jose Rivero De la Marta, Altsasu.