Atzo, osteguna, sanferminetako herri kirol txapelketetako azkeneko saioa jokatu zen Iruñeko Foruen Plazan. Tartean, Nafarroako III. Mailako Aizkora Txapelketako kanporaketa jokatu zen.
Bederatzi aizkolari lehiatu ziren finalerako bost txartelen bila, tartean Sakanako Aizkora Eskolan trebatzen diren Aritz Oiarbide etxarriarra eta Amets Aristizabal urdiaindarra.
Bi kanaerdiko moztu behar zituzten, eta azkarrena Eneika Goia izan zen (7:40), Patxi Igoaren (8:07) eta Aritz Oiarbideren (8:09) aurretik. Laugarren Ibai Telletxea sailkatu zen (8:34) eta bosgarren Amets Aristizabal (9:46). Boskote honek abuztuaren 14an, 12:00etan Donamarian jokatuko den Nafarroako III. Mailako Aizkora Txapelketako final handian lehiatuko du.
Iruñeko kanporaketan, Julen Urrutia seigarren izan zen, Eneko Pagola zazpigarren, Jacinto Etxekonanea zortzigarren eta Iker Goldarazena bederatzigarren, baina finaletik kanpo geratu ziren.